De longa tempo kusxas en silento
Mia povra Liuto forlasita...
Mi volis veki gxin el farniento,
El tiu longa dormo senprofita.
Sed gxi respondis kun la vocx´incita:
"Ho, kial vi kuragxas en kontento,
Makuli mian tronon? Jam finita
Juneco via - gxin forportis vento!...
Sentante en la brust´ ardantan torcxon,
Mi petis kun fervor´: "Liuta dolcxo,
Momenton nur!...Jen estas mia peto!..."
Kaj la Liut´audinte mian diron,
Eligis flaman gxemon kaj sopiron...
El la sonaro sxprucis jen soneto!...
Nenhum comentário:
Postar um comentário